Aplicacion di articulo 43 lid 2 di statuut ta un violacion flagrante, di statuut cu ta rigi reino

Considerando

· E carta di 25 di mei di Secretario di estado senora Bijleveld Schouten relaciona estado di gobernacion di Aruba;
· Dicho carta ta basa riba senalnan vago cu aprantemente e Secetario di estado a ricibi;
· Cu e imagen cu e secretario di estado a crea, di ta tal idole cu e ta considera esaki precupante, cu e ta conclui cu mester bin un investigacion pa haya un imagen total di e estado di gobernacion;
· cu e Secretario di Estado ta purba, referiendo na artikulo 43 di statuut, forma un cuadro cu e investigacion por wordo legitima;
· cu for di e e splikacion oficial di statuut, ta hopi cla cu esnan cu a traha e statuut ta mira, intervencion a base di articulo 43 lid 2, como e ultimo paso pa tuma;
· mas alew un e condicion general pa intervencion ta cu, e derchonan y libertadnan, seguridad legal y bon bon gobernacion no ta existi;
· cu a base di e contenido di e carta no tin argumentonan, cu por hustifica uso di articulo 43 lid2;
· cu e proceso pa yega na e investigacion, no tabata cauteloso evalua y no tabtain transparencia
· cu full e actuacion di primera y segundo camara di parlamento hulandes, bao di presion di e partido extermo derechista PVV, cu semper tin e antiyano como Arubano como su punto di critica, tambe a cai pa e oresion politico di PVV;
· Cu Aruba dese 86 ta un pais autonomo den reino Hulandes;
· Cu conforme statuut Aruba ta un partner igual den reino;
· Cu e conseho di Raad van State ya a desaporba pa usa articulo 43 lid 2 den caso di e corte como.

Ta dicidi

Cu e Secretario di estado encarga cu asuntonan di reino no tin ningun autoridad pa hasi hasi compromiso pa investigacion cu contra e propio pricipionan di statuut y a rason di esaki Parlamento di Aruba no tin confiansa cu e secertario di estado lo sali na interes di Aruba na un forma neutral.

Awor cu parlamento di aruba como partner igual den reino hulandes, a comproba cu e statuut kier wordo viola y como tal no tin confiansa cu e secretario di estado.
Nos di Parlamento ta hopi curioso pa wak con gobierno di reino lo actua, nan cu tin boca yen di bon gobernacion y principionan democratico nos lo vigila e proceso aki.