Friday, April 17, 2009

Eleccion pa Union Parlamento Europeo no tin nada di haber cu Aruba

Eleccion pa parlamento di Union Europeo no tin nada di haber cu Aruba lo haya representacion den parlamento Europeo. Hulanda ta miembro di Union Europeo, y ta cofirmante di e tratado eruropeo, y no reino Hulandes. Aruba su relacion cu Parlamento di Hulanda ta e asina jama LGO, landen en gebieden overzee. Pues e frase di ban eligi un Arubiano pa Parlamento Europeo ta un manipulacion. Cu Arubiano por briya de exterior of participa particaipa na ellecion na Hulanda nada contra. Locual nos ta contra ta e forma con ta registra formularionan y despues pa vota pa UE, y desues ta entrega esakinan cu sticker di avp. Pa nos di MEP votacion pa Mito Croes di CDA, ta nifica vota pa kibra nos status aparte paso e filosofia di CDA y AVP ta pa Aruba bira UPG. Pa nos di MEP esaki ta hasi cu e por ta hasta un voto pa kibra e lucha cu Betico Croes a bringa pe.

E Lucha di status aparte awor mas cu nunca ta wordo fortifica. Desde ana pasa gobierno Hulandes a hasi dos investigacion, kiko ta e implicacion di UPG pa e aspectonan Economico di Aruba y tambe e implicacion juridico di e status di UPG pa Aruba.

Despues di e estudionan aki Gobierno Hulandes mes como e comunidad Europeo mes, arealisa cu mester fortifica e lasonan di LGO cu Europa. Pues contrario na tur speculacion cu LGO ta terminal, LGO gobierno Hulandes mes a bin realisa cu ta e forma mas indica pa deal cu nos pais cu Europa.

Gobierno di Aruba desde incio tabata bisa esaki y awor ta carga esaki tambe. Desde gabinete Oduber 3 y 4. a percura pa Aruba tin respresentacion na Europa. Por cierto Aruba ta carga e presidencia di e asosacion di tur e LGO nan actualmente.

Den otro articulo lo mi amplia mas riba kiko ta Europa y con LGO+ combini Aruba

Thursday, April 16, 2009

Ken ta Robert Maduro
Estudio:

Desde joven Robert semper tabata joven sereno y trahador. Su carera di school tambe a demostra. Semper nan tabata aprecie pa capacidad di siña bon. Robert a sigui su scol basico na Macuarima. Despues esaki Robert a hasi su estudio secundario na colegio San Antonio na Sta Cruz, despues di esei ela hasi MTS Cesar Terzano, terminando den direccion di Bouwkunde.

Remarcabel aki ta cu Robert a termina como e mihor graduado di school. For di aki ela bai studia na Hulanda primeramente ela hasi su HTS Bouwtechnische Bedrijfskunde den e periodo minimo di 4 aña. Robert tabata e promer Arubiano/ Antiano cu a termina e school aki den e termino minimo.Por cierto na Tilburg cu ta un di e cuidadnan cu mas arubiano y Antiyano tabata bay pa motibo di e lasonan di e fraternan// zusternan katolico. Terminando esaki Robert a siguie estudio di universidad technico (antes Technische Hogeschool). Den e ramo di Techniek en beleid, ela specialisa su mes riba e tereno nan di technologia inovativo (telecomunicacion, medioambiente, ) y e manera con pa implementa esakinan den comunidad. E estudio aki tambe ela hasi den un periodo minimo di 2 aña y mei. Esaki ta demostra su caracter di ta un trahador duro y perisitente. Robert tin den dje pa logra metanan cu e pone su dilanti..


Trabao: Na 1994, Robert Maduro a cuminsa traha na Directie Vrom . Trahando riba e campo di maneho pa loke ta trata maneho di vivienda en especial pero tambe riba ordenacion di espacio y medio ambiente. Na 1995 Robert Maduro a haya e oportunidad di traha como waarnemend Interne Deskundige. E oficina aki tabata encarga cu e ayudo pa desaroyo cu Hulanda tabata aporta na nos Economia. Manera tur hende sa cu partido AVP na un manera te awe inexplicabel, a bisa Hulanda cu Aruba ta rico suficiente y no mester di placa di Hulanda mas. Pues pa e motibo aki mes e oficina aki a sera.. Despues di siere di e ultimo oficina aki Robert ta bolbe na directie VROM.

Politica:
Robert Maduro na 1994, a ser pidi pa duna su aporte na Aruba atraves di Movimiento Electoral di Pueblo. Robert Maduro joven pero cu hopi corahe, sin ningun momento a vacila a pone su mes disponibel riba e lista geel sin ningun exigencia. Robert Maduro a cuminsa cu nr 21 riba lista di MEP. Robert su aporte pa MEP desde cu e ta riba lista ta grandi. Durante ultimo eleccion Robert a aprece nr. 11 riba e lista victorioso di MEP.


Hopi trabao internamente Robert a hasi. Robert tabata parti di e grupo di reorganisacion y cambio di statuut di MEP na ’96. Robert Maduro na 1994,
a forma parti di directiva di MEP fungiendo como secretario y vicepresidente di partido pa e periodo di ’98 pa 2000. Cual directiva a logra metanan grandi pa MEP. A organisa dos protesta enorme na ’98 (mas di 10.000 hende riba pia) cual tabata e catalisador pa e otro protestanan cu a sigui. Congreso di lider na 2000 na caiquetio tabata e congreso di mas exitoso den trajectoria di MEP bao di e guia di e joven directiva di e tempo ey.
Robert Maduro ta semper activamente cu su articulonan den corant y su comentarionan na radio y na television. Robert Maduro a demostra caba cu e ta dispuesto y capaz pa tuma cualquier cargo publico . Pueblo por ta sigur cu e confiansa cu bo lo desposita den su persona lo ta na bienestar di su pueblo mes. Lo e lo sirbi bo interes na mihor di su capacidad y tambe manera semper ela demostra caba traha duro pa hiba nos pueblo dilanti.

Wednesday, April 15, 2009

midi nan midi nos

Pa medio di algun documento cu ta demostra con gobernacion di pasado tabata gelink cu partner nan no confiabel y cu a hasi tanto cu Hulanda a grijp in, pone KB riba gobernacion Eman. Pero tambe ex presidente di Banco Central como Jonatan Winer (state department) e documentonan ta pa e medio aki disponibel, dentro di poco nos percura pa tin mas documento disponibel.

un sinopsis di e trabaonan di Robert den Parlamento di Aruba

Robert den Parlamento


Desde 2001 Robert ta den Parlamento di Aruba, na unda ela eherece diferente funccionan y a amplia su experencia riba tur tereno. Tur hende ta corda e promer enquesta Parlamentario di Aruba su historia cu a tuma lugar bao di guia di Robert. Den e caso aki pueblo a haya oportunidad pa bai den detaille con proceso nan di toma di decision di nos pais a bai robes den e caso Race Track. Despues a sigui cu e relato por escrito cu a laga hopi experencia cu te dia di awe ta wordo usa pa nos gobernatenan pa evita errornan grandi cu a wordo cometi den e caso aki.

Otro logro grandi ta e hecho Robert desde 2001 ta fungi como presidente di comision relaciona cu medio ambiente ordenacion territorial. Por cierto Robert ta un di e 3 iniciadornan di e ley aki, cu ta un ley den cuadro general, y pa medio di procesonan bon defini unda pueblo ta haya oportunidad pa duna su contribucion riba futuro plan di desaroyo di Aruba. Den promer instante e fase cu nos ta aden awor ta e plan den lineanan grandi, despues ta bin e plan riba detaille y mara cu reglanan. Pues de facto e plan di desaroyo territorial, riba su mes, ta haya forsa di ley. Una bes complementa esaki ta un guia pa desaroyo di nos pais pero tambe cu lo evita hopi discusionan innesesario pa hustamente falta di definicion y consenso riba desaroyo di nos pais.

Otro area cu Robert a specialisa su mes aden ta e relacion di Aruba cu Union Europeo, pa cual manera nos sa tin hopi manipulacion hustamente pa motibo cu e material hopi y complica. Sinenbargo Partido MEP desde cu partido AVP yuda pa su aliadonan hulandes a cuminsa desaroya e idea cu e famoso status di UPG lo ta un bon opcion pa Aruba. a rechasa esaki. Parlamento di Aruba desde 2002 a pasa un mocion (bao di inciativa di Robert) cu a haya un sosten 2/3 parti di parlamento, cu ta comparti e opinion cu e relacion mihor pa nos pais tanto economicamente como estatalmente cu Hualnda/ Europa ta e asina jama LGO +. Por cierto un biaha mas MEP a haya rason, e desaroyo den Europa cu pronto lo wordo anuncia ta dirigi riba fortificacion di e LGO nan cu Europa. Concretamente esakinan ta ensera cu tanto fondonan structural como fundonan pa crea cohesion, pero riba diferente otro area cu UE ta haya importante ta bai bin fondonan disponibel pa e lgo nan, pues Aruba por bin na remarca pa financia projectonan di e embergadura aki. Aki ta weita contrario na e mensahe cu kier wordo hiba dor di nos opositornan, partido MEP a logra nos status aparte y awor a logra fortifica nos relacion pa cu Europa.

Recientmente Parlamento a aproba un mocion cu 16 voto na fabor y 0 contra, un mocion concipia pa Robert, den cual for di e fondonan cu ta bin liber di plant hotel ta bai desaroya un compleho deportivo pa baseball na Sta Cruz, ta contrui compleho deportivo na Pos chiquito pa baseball pa mucha y tambe un compleho deportivo pa voetbal na Savaneta.

Esakinan ta dijs un sinposis di e trabaonan arduo cu a wordo hasi den parlamento pa Robert. intencion den e blog aki ta pa sigui desaroya pensamentonan constantemente asina e ta bira un forma tambe pa consulta y intercambia di pensamento.